1 мамыр – Халықтар бірлігі күні

Абылай хан мектеп-лицейінде  сәуірдің 18 күні "Әсем-өнер" бірлестігінің ұйымдастырылуымен "Ата-баба ізімен" атты  сайысы өткізілді.  Сайыстың мақсаты балалардың бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

Бірлік пен ынтымағы халықтың -
Көгімізде жарасқан жарық күн!
Ырыс, дәулет бақыты үшін халықтың,
Жайнай берсін, жайнай берсін алтын күн!
- деген шумақтардан соң сахна төріне Қазақстанда бір шаңырақ астында тұрып жатқан ұлт өкілдері шақырылды. 

Сайысқа қатысушылар 5 және 6 сынып оқушылары. 

Ұлттар: қазақ халқы, өзбек халқы, қырғыз халқы, армян халқы, орыс халқы, татар халқы, грузин халқы, украин халқы, әзірбайжан халқы. Сайыс бірнеше кезеңдерден тұрды. Әр кезеңге әділ-қазылар әділ  бағаларын беріп отырды. Сайыс соңында жеңімпаз белгіленді. Жеңімпаздар марапатталған соң, «Әрқашан күн сөнбесін», «Достық» әндері  шырқалды.