Туған жер - тұнған шежірем

Туған өлке төсіндегі тылсым табиғат пен тамыры терең тарихты, шаруашылық пен саясатты, мәдениет пен тұрғындардың тіршілік ету әрекетін қосып, адамға ауқымды білім мен тәрбие беретін өлкетану, мәселе ретінде өзінің өзектілігін жойған емес. Әрбір адамның табан тірер туған жері болады. Туған елге, жерге деген сүйіспеншілік адамды алға жетелеп отырады.
Қоршаған ортасына, ата-анасына, туған-туысына деген ыстық ықылас Отанға деген сүйіспеншілікке ұласса, ол адамның рухани деңгейінің биіктігі.
Өскелең ұрпақтың жадына ғасырлардан келе жатқан халықтың асыл мұрасы төл тарихымызды сіңіру мақсатында 7 "А" сынып оқушылары "Туған жерім - тұнған шежірем" тақырыбындағы сыныптан тыс уақытта танымжорық сапарларын Саудакент ауылының тарихи-өлкетану мұражайынан бастады. Тарихи-өлкетану мұражайы өңіріміздің тарихынан сыр шертетін құнды тарихи жәдігерлерге бай.

Рухани құндылықтарды танытуда, оқушылардың бойында ата-бабаларына деген құрмет сезімді және туған өлке тарихына қызығушылығын қолдау және дамыту мақсатында қара қобыздың киесі атанған ұлы Ықылас Дүкенұлының мемориалына және Ысты Тілік бабаға арналған ескерткішке тоқталды.
Ықылас Дүкенұлының мемориалы.

Ы.Дүкенұлы кесенесі республикалық деңгейде қорғауға алынған. Ықылас Дүкенұлының музыкалық мұрасы мол. Ықылас атамыздың ең асыл ойларын қобыздың үн-дыбысының ішектеріне сіңірілген күйлерімен танысты. Ықылас Дүкенұлы мемориалының ортасында жазбалары бар тақта орнатылған. Мұнда Ықылас Дүкенұлы жерленген бейіттен (Шығанақ ауылның солтүстік-шығыс жағынан 30 км жерде Шу өзеннің етегінен) бір уыс топырақ әкелініп, мемориал басына құлпытас орнатылған екен.

Ысты-Тілік баба мемориалдық кешені.

Ел мен жер тарихынан сыр шерткен әсерлі саяхаттан кейін оқушылардың өздерінің туған өлкесі Сарысу өңірінің тарихын зерттеп білуге деген құлшыныстары, туған жерге деген сүйіспеншілік сезімдері арта түскені байқалды.